:: 講台討論區 ::

 找回密碼
 註冊
搜索
熱搜: 活動 交友 discuz
查看: 2923|回復: 0

為錢乜都得 《鐵甲3》內地戲份 導演、演員全部係A貨

[複製鏈接]
發表於 2013-4-26 16:21:33 | 顯示全部樓層 |閱讀模式
http://hk.apple.nextmedia.com/realtime/entertainment/20130426/51372190

「或許全世界,除了中國觀衆,沒人知道鋼鐵俠來過中國。」這是不是一個笑話?可能是,可能不是。但相信對香港觀眾而言,係鬆一口氣,萬幸,大家睇到嘅《鐵甲奇俠3》版本,冇Iron Man得到王學圻老師醫好之後,喺北京永定門握握手、同埋一大班穿紅衣嘅小朋友放波波嘅「染紅」畫面。呢一幕,只會喺內地版播映,可以話係別注限量版,彌足珍貴,所以話,Iron Man嚟過中國呢個秘密,真係得內地人先至知。

《鐵甲奇俠3》導演沙恩彼克(Shane Black)日前接受內地傳媒訪問,爆咗個大家都估唔到嘅真相︰原來部戲喺內地所有戲份,都唔係佢拍,總之但凡喺內地拍攝、有內地演員出現嘅戲份,無論拍攝定剪輯,沙恩都話:「不是由我負責的。我一直只負責美國版本的製作,但他們發中國版本加入內容的段落讓我審查,但不是我來負責的。」

導演仲話,中國版本嘅內容,係「秘密」,「但在中國上映後人們一定會喜歡加入的段落」,

喺國際版講咗句「你好」嘅王學圻老師,喺內地版變成點,真係要睇內地版先知。但當初拍嗰陣,王學圻已向傳媒披露,指喺北京出現嗰個Iron Man,唔係羅拔唐尼,而係替身。咁,依家導演又話,喺內地拍嗰part,完全唔係出自佢本人手筆,咁係邊個拍?who knows?邊個扮Iron Man?Who cares?美方只係要扮合拍片打入內地市場搵多啲;中方,咪一樣。搵多啲搵多啲。

順帶一提係,代表「中方」投資拍《鐵甲奇俠3》嘅DMG總裁吳冰,之前接受內地傳媒訪問時,先至「感慨」道(以下原文照錄),作為民營企業,參與世界頂級團隊打造的電影實屬不易:「記得去年我在紐約時代廣場看到《環形使者》(即《時凶獵殺》/Looper)的預告片時,當出現『DMG出品』字樣時心情很激動也很自豪,創建20年中,也有跌到谷底的低潮期,都是憑著一股信念支撐下來,與『鋼鐵進化論』也十分相似。」是否預視,將來內地資金染指荷李活電影,會越來越多?

即係港產片變合拍片,荷李活電影都變埋合拍片?會否好似Brad Pitt咁,花7年炮製嘅喪屍電影《地球末日戰》(World War Z),為順利打入中國呢個世界第二大電影市場,寧願犧牲創作自由,更改電影情節,為中國觀眾拍攝一個「特別版」?取悅強國?


您需要登錄後才可以回帖 登錄 | 註冊 |

本版積分規則

小黑屋|手機版|Archiver|talkonly.net

GMT+8, 2024-3-29 16:26 , Processed in 0.063166 second(s), 16 queries .

Powered by Discuz! X3.1

© 2001-2013 Comsenz Inc.

快速回復 返回頂部 返回列表