:: 講台討論區 ::

 找回密碼
 註冊
搜索
熱搜: 活動 交友 discuz
查看: 2786|回復: 0

彭志銘: 打橫嚟講:鯨魚咁大條紅衫魚

[複製鏈接]
發表於 2013-8-27 16:02:09 | 顯示全部樓層 |閱讀模式
阿仔、阿女,千祈咪成日講大話呀!講得多,上咗腦,就好似吸毒咁!唔食唔講唔安樂,你咁就一世o架啦!

香港上世紀六十年代初,真係好鬼死窮,物質匱乏。人均收入,打工仔每月四五百蚊,已算不錯!那時候,早餐白粥油炸鬼,盛惠一毫,真的!一毫子搞掂!

今天,有條黑粉長(嗱!唔係「粉腸」呀!)鍵盤隱士,寫網誌話自己紮腳老母黐膠花線搵錢買樓,佢丁屎咁細就要「老母化」兮,去街市買魚煮飯。

黑粉長話,每次用「個半銀錢買條紅衫魚」,吓!一毫子份報紙,茶樓四毫子一碟盅頭飯的年代,碼頭加價斗零會暴動的年代,用一元五角買條cheap cheap紅衫魚?佢鯨魚咁大條呀?

還有,呢件隱士粉長仲話食剩嘅魚頭同魚身,拎去沖水,加白醋同芫荽,便成為簡單魚湯喎!真係噏得出就噏。紅衫魚魚頭同魚骨咁細小,用猛火熬佢三日三夜都唔出味啦!仲加白醋?肯定會食壞腦,嗱!細路仔千萬勿模仿呀!否則,唔反智,都會笑死人!

《老子》六十章有言:「治大國若烹小鮮」,早已講咗治國之道(亦即管理方法),猶如炒小菜,不能多加攪動,因多攪則易爛。

香港特區廢柴政府高層,唔讀書無知識,只懂閉門撒謊,呃市民、瞞阿公,甚或自己信埋自己所謂嘅大話,將「鬼祟出沒」當成「微服出征」,連香港警隊都信唔過,另搵有背景的陀地護身,徒令香港七國咁亂。家陣,仲搞埋廢噏網誌,荼毒下一代,驚香港未死直乎?唔插爆佢,都唔係人嚟囉!


彭志銘

次文化考古學家,對城中潮語有深入研究,博徵博引,廢官廢人行埋一邊。
您需要登錄後才可以回帖 登錄 | 註冊 |

本版積分規則

小黑屋|手機版|Archiver|talkonly.net

GMT+8, 2024-3-29 16:25 , Processed in 0.044858 second(s), 16 queries .

Powered by Discuz! X3.1

© 2001-2013 Comsenz Inc.

快速回復 返回頂部 返回列表