Netbugs: talkonly 請食飯基金正式啟動

immi

talkonly 請食飯基金正式啟動

曾經有人話，我唔睇電視，所以亞視續唔續到牌唔關我事。但作為佔用公共資源而長期收視低迷嘅電視台，我實在唔識點同人講點解政府仍然容許亞視營運。政府嘅放縱，亞視嘅零收視，造就唔單止TVB 嘅壟斷，仲有行業缺乏競爭變相萎縮。作為第四權，此等媒體變化，影響嘅係幾代人，點可能話唔關你事？香港人已經對好多事不聞不問，唔該唔好下下踩到你頭頂先黎話關你事。

講返正題，talkonly 請食飯基金原於N 年前一次節目我提及"如果亞視執笠會賣出持有之AAPL 股票請聽眾食飯"，儘管亞視不獲續牌過程未如我們所想，但結果仍然值得香港人普天同慶。截止今日為止小弟當年持有之AAPL價值約為港幣十萬，當然當年我冇諗過AAPL 會升到咁(知一定唔會咁講XD)，但我會照原先約定全數撥入基金。

由於金額比當初承諾時大得多，希望各位聽眾可以集思廣益，在建議飯局地點之餘可以提出將基金用於有意義嘅事情。我希望飯局可以不遲於五月底前舉行，盡快與各位聽眾分享亞視執笠嘅喜悅。

有任何意見歡迎各位留言，感謝！

NetBugs@talkonly
2015-04-01

ifg

Talkonly 2015 飯局

為慶祝亞視不獲續牌，talkonly盛事基金將撥出上限十萬港元宴請各位聽眾友好食飯實行與民同樂。飯局日子已確定為五月廿九日晚上，但為咗方便安排地點，我地誠邀各位有意參加嘅聽眾先填寫參加表格並存入按金港幣$101，按金將會在飯局當晚全數退回。

注意事項

1) 今次飯局唔係籌旗活動，按金機制純粹避免放飛機，各位有意參加嘅聽眾入數時唔好入多，亦唔好入少，$101啱啱好就得。

2) 飯局地點同食咩好視乎人數，人少食四季，人多食麥記，不作擔保。

3) 填完表格後會顯示入數銀行戶口資料，請用表格留低嘅聯絡電郵地址將入數紙(一定要入數紙)電郵到[email protected]，網上理財的話請cap screen(一定要cap screen)。

4) 截止報名日期為四月廿六日，收到入數紙先算成功報名。

5) 記得記得記得食飯當晚帶埋入數紙/screen cap，就可全數$101 退還。

6) Last but not least，呢個係一個純粹請食飯活動，No trick no treat，請相信呢個香港仲有好事，Please。

報名表格：http://goo.gl/forms/lCe8qBC2Iu

Talkonly

immi